香港離婚法律

服務中心

 

就算對方講明唔會離婚，但你覺得婚姻已經破裂，救都救唔番，咁你仍然可以單方面申請離婚。

可以。你仍然可以向法庭申請命令，要求喺報紙刊登通知，或者將文件送去失蹤者可能有聯絡嘅親友度，以便展開離婚程序。

可以。你可以俾少少錢，向入境處申請一份結婚證書嘅核證副本，咁就一樣有效，當然你亦都可以搵律師一次過幫手做埋。

唔一定，如果兩公婆要爭仔女撫養權，法庭會搵社會福利署做家訪，寫份報告俾法庭睇，法庭睇完份報告後會以小朋友嘅福利做最高考慮，再作判決。

法庭認為小朋友唔係父母嘅財產，兄弟姊妹可以一齊成長或者先至係符合小朋友嘅最高利益。如果夫妻雙方就住撫養權有爭拗，法庭會委任社會福利署做家訪，寫份報告俾法庭睇，法庭睇完份報告之後會以小朋友嘅福利做最高考慮，作出判決。

法庭認為錢銀係流動嘅，法庭可以落命令指示對方定期支付小朋友嘅贍養費，法庭會以小朋友嘅福利做最高考慮，所以冇必要因為自己窮困而放棄仔女嘅撫養權。如果錢銀有問題亦都可以試吓叫法律援助署幫手。

可以。法例冇規定夫妻離婚之後，只有女方可以向男方索取贍養費，法庭着眼嘅唔係性別，而係法例底下所制定嘅原則。

咁又唔得，單係通姦行為唔會對贍養費嘅判定有影響，法庭着眼嘅係法例底下所制定嘅原則。

法庭會以家庭財產嘅一半作為起點去判定贍養費，再考慮其他因素，例如：

1. 雙方而家或者將來嘅收入、賺錢能力、財產同埋其他經濟來源；
2. 雙方而家或者將來可能面對嘅經濟需要、負擔、同埋責任；
3. 屋企喺婚姻破裂前所享受嘅生活水平；
4. 雙方各自嘅年齡同埋結咗婚有幾耐；
5. 夫妻有冇任何一方有身體或者精神上嘅殘障；
6. 雙方為家庭福利而作出嘅貢獻，好似照顧家庭啊或者照顧屋企人啊咁樣囉；
7. 是但一方會唔會因為離婚而喪失機會攞到任何利益，例如退休金等等。

如果對方有錢但係唔肯俾，可以考慮向法庭申請批准要求執行判令，追返D錢。唔俾贍養費可能要坐監架！

可以考慮向法庭申請要求更改贍養費命令，申請人要入文件宣誓證明自己的經濟情況有改變，而對方亦有權反對，最後會由法官判定

如果婚姻雙方係有近親關係，又或者其中一方重婚，又或者其中任何一方係被迫或者受騙而結婚，咁樣佢哋嘅婚姻即屬無效(void)。另外，如果結婚後其中一方拒絕圓房，又或者結婚嘅時候對方精神錯亂、或患有可傳染嘅性病、或懷有其他人嘅BB、或係性無能等，另外一方可以申請宣告婚姻可作無效(voidable)。喺法律上，婚姻無效(void)等於該段婚姻從未生效，婚姻可作無效(voidable) 即係直至到法庭頒布婚姻可作無效之前，婚姻仍然係有效同埋繼續存在。婚姻無效同婚姻可作無效嘅概念比較複雜，應該搵律師問清楚。

如果你個大仔仲未成年，可以考慮同現任老公一齊領養個大仔。咁樣喺法律上起碼有幾個好處，第一，老公可以正式行使對大仔嘅管養權利、義務同埋法律責任，喺法律上大仔就等同係領養人嘅親生仔，第二，就算現任老公冇寫遺囑，大仔將來仍然會獲得老公嘅遺產承繼權，第三，方便將來全家一齊移民，第四，如果你老公喺外國有居留權，可以視乎情況，申請大仔以子女身份到外國讀書，第五，可以順便改埋姓，避免大仔尷尬。

係呀，法律嘅嘢係咁㗎啦，上面講嘅嘢只不過係好少部份嘅法律情況，唔好當足係法律意見啊。各種申請都有各自獨到同複雜嘅情況，不能一概而論。唔好估估下，最好打電話或WhatsApp去6999 0234搵我地嘅客戶服務主任，正正經經安排問吓律師意見啦！